Evelyne
vestig haar eie La Boheme
UPINGTON:
'n Baie besonderse en eksklusiewe gastehuis met die naam La Boheme
het pas sy deure vir gaste in Groenpuntweg 172, Keidebees oopgemaak.
Die
eienaar, Evelyn Meier, het haar ongeveer 'n jaar gelede vanaf
Switserland op Upington kom vestig en die naam La Boheme vertel
van 'n ongebonde leefwyse waarheen 'n mens kan wegbreek.
Die
gastehuis, waar daar in die fynste besonderhede na gaste se gerief
en behoeftes omgesien word, verskil totaal van die gewone.
Invloede
van regoor die wêreld word in die décor weerspieël.
Die twee gastekamers onder - een in 'n Afrika tema en die ander
in 'n Tropiese tema - het elk sy eie klein patio met 'n pragtige
uitsig oor die Oranjevallei.
Die
selfhelp 'cottage' bo het alles waarvoor 'n gas kan wens. Sy eie
privaattuin en braai-plek. Hier het die slaap kamer 'n Oosterse
tema. Die diefwering voor die vensters is selfs in die vorm van
Bonsai bome gemaak.
Ingevoerde teëls van regoor Europa versier die kombuis in
'n asemrowende mosaïk wat plaaslik gekoop en deur Evelyn
self saamgestel is. 'n Verligte mosaïk paneel buite is ook
haar eie handewerk, saamgestel uit verskillende groottes, vorm
en tekstuur handgemaakte teëls.
Verder
bied La Boheme aan sy gaste gesellige sit- en eenthoekies, fonteintjies,
mooi musiek, 'n besonderse sitkamer, 'n leeshoekie vir fynproewers
met boeke in verskillende tale en inkleurboeke vir kinders, 'n
koel swembad, groot vensters om die tuin in die huis in te bring
en vele, vele meer.
In
die aand verander La Boheme in 'n sprokies wêreld van lig.
Dit is definitief nie 'n gesig om mis te loop nie. Sy het daarin
geslaag om met aardse kleure 'n baie besonderse atmosfeer te skep
deur gebruik te maak van leiklip, hout, riet, plante, water en
kerse. Evelyn het in haar reise die kuns om kos te maak verfyn.
Met La Boheme het sy daarin geslaag om die pragtige natuurskoon
te kombineer met 'n luukse rustigheid.
La
Boheme is dus nie net 'n gastehuis nie, maar ook die ideale plek
vir etes en funksies op bespreking.
Gaan
loer gerus in!!!
<back...> |
