La
Bohème kry 5-ster status
"La
Bohème" is die verwesenliking van 'n droom - 'n droom van
'n jong Switserse vrou, Evelyne Meier, wat in 2002 besluit het
om 12000 km weg van haar geboorteland, 'n oasis in die Kalahari
te kom skep - haar eie plekkie van vrede in 'n land van sonskyn.
Na
'n jaar van rekonstruksie en omvorming van die huis wat sy gekies
het om haar droom in te verwesenlik, het sy haar eerste gaste
in die lente van 2003 ontvang by haar "La Bohème".
Sedertdien
het die gastehuis 'n toenemende aantal nasionale en internasionale
gaste verwelkom - toeriste, sake-reisigers en -besoekers en beroemde
SA politieke- en rolprentpersoonlikhede.
Die
gastehuis het reeds blootstelling gekry in verskeie SA en Europese
tydskrifte vir sy stylvolle en luukse versiering, sy kos, gesellige
en knus atmosfeer en kwaliteit diens.
Een
jaar na sy opening, het La Bohème die amptelike 5-ster
gradering van die Toeriste Graderingsraad van SA ontvang. Dit
is die 2de gasthuis op Upington wat 'n 5-ster gradering kry.
"Ontspan, kom in die boheemse gees, vloei saam, veroorloof jou
die weelde en geniet die oomblik". Dit is Evelyne se lewensfilosofie
en die oorsprong van die gastehuis se naam, "La Bohème".
Die asembenewende uitsig oor die eindelose Oranjeriviervallei,
om te swem in die kristalhelder swembad, gee 'n gevoel van ruimte
en vryheid.
Evelyne
wou net drie eenhede in haar gastehuis hê om 'n privaat
en huislike atmosfeer te skep. Elke eenheid het moderne fasiliteite
wat individueel versier en gemeubileer is. Baie aandag aan detail
en tekens van persoonlike aanraking is ooral te sien.
Die
Deluxe Garden Room het 'n verfynde Herberg atmosfeer, die Standard
Garden Room het invloede van Karibiese-Koloniale style en die
selfsorg kothuis is Asies esteties. Deur vooraf te reël,
kan etes bespreek word vir nie meer as tien persone nie, en skamerkelkies
of buffetetes vir spesiale geleenthede en funksies (maksimum 20
persone).
Die
pragtige tuin en idilliese omgewing is ook ideaal vir fotosessies.
Dit is moelik om "La Bohème" in woorde te beskryf, dit
moet beleef word.
Skakel
en reël asb met Evelyne voordat u die 5 ster gastehuis besoek.
Tel:
083 383 8288
<back...>
|
